Тăхăнмаллах пулĕ

Хальлĕхе маска хывма иртерех-ха. Чăваш Енре хӳтĕлев хатĕрĕсемпе малалла та усă курмалла пулĕ. Ытти чару йĕрки те вăйрах. Çак тата ытти ыйтăва тунтикунсерен Правительство çуртĕнче иртекен ларура сӳтсе яврĕç. Талăкне республикăра 60-70 çын кăшăллă вируспа аптранине тупса палăртаççĕ. Хисепĕ чакнă пулин те савăнма иртерех. COVID-19 амак чакнă тапхăрта малтан 30-40 çын чирленĕ. Çакна шута илсе чару йĕркисене хальлĕхе пăрахăçламĕç. Ларури тепĕр çивĕч ыйту – кинозалсем хута ярасси. 2016 çултанпа 18 муниципалитетра 20 кинозал уçнă. Анчах та çичĕ районта çак ĕçе пурнăçламан. Улатăр, Канаш, Шăмăршă, Çĕмĕрле, Елчĕк, Муркаш, Красноармейски тăрăхĕсенче кинозалсем хальлĕхе çук. СВЕТЛАНА