Республикæйы Æхсæнадон палатæйы схорзæхджын кодтой бархионты

Сæрмагонд æфсæддон операцийы архайджытæ æмæ ног регионты цæрджытæн æххуысы тыххæй республикæйы Æхсæнадон палатæйы схорзæхджын кодтой бархионты. Кады гæххæттытæ райстой 20 волонтеры. Радзырдтой сæ архайты тыххæй, фæнысан кодтой цы зындзинæдтимæ æмбæлынц, уыдон. Мадзалы рæстæг ма бузныджы фыстæджытæ радтой æрыгон поэттæн. Фæсивæд рамбылдтой Бинонты азы фæлгæты арæзт æмдзæвгæты æркасты. Сæ уацмыстæ сын бахастой сывæллæтты æмбырдгондмæ. Уæ зæрдыл уын æрлæууын кæндзыстæм, бархионы бон бæрæг кæнынц 5 декабры.