Цæгат Ирыстоны райдыдта Æппæтадæмон форум “Æмбæстæгты консолидаци куыд дунейы фидардзинады бындур“

Цæгат Ирыстоны райдыдта Æппæтадæмон форум “Æмбæстæгты консолидаци куыд дунейы фидардзинады бындур“. Сæдæ адæймагæй фылдæр дунейы алы бæстæтæй дзурдзысты ахсджиаг фарстатыл. Мадзал арæзт æрцыд республикæйы сæргълæууæг Сергей Меняйлойы хъæппæрисæй. Национ политикæ æмæ æддагон бастдзинæдты фæдыл министр Бæгъиаты Алан куыд фæнысан кодта, афтæмæй форумы сæйрагдæр нысантæй иу — дунейы цаутæ хынцгæйæ, ирон адæмы бастдзинад фæхъæддыхдæр кæнын. Ма уадзын парахат кæнын мæнг хъусынгæнинæгтæ. Форумы архайджыты ’хсæн - Турчы делегаци дæс адæймагæй, сæ сæргъы Хъуысаты Садреттин, афтæмæй. Йæ раныхасы рæстæг куыд фæнысан кодта, афтæмæй ныридæгæн удуæлдайæ архайынц турчы ирон адæмы мадæлон æвзагмæ æмхиц кæныныл. Уый тыххæй æхсæнад аразынц онлайн уроктæ ирон æвзаг ахуыр кæнынæн. Тæлмац кæнынц ирон фысджыты уацмыстæ, чингуытæ туркаг æвзагмæ.