Երբ երկար ժամանակ վատ է լինում, սկսում ենք գնալ դեպի լույսը

«Տոնացույց» կրթամշակութային կենտրոնի նախագահ, երաժիշտ Հասմիկ Բաղրամյանը Sputnik Արմենիայի հետ զրույցում պարզաբանել է Մեծ պահքի և «40» թվի խորհուրդը, զուգահեռներ անցկացրել մարդու և բնության զարթոնքի միջև, երբ գազանը դառնում է մարդ, իսկ փուշը՝ վարդ։ Ժողովրդական ավանդույթների գիտակը պատմել է Ակլատիս տիկնիկի, 7 փետուրների մասին և երգով ներկայացրել պահքի շրջանի ուտեստները։ Նա անդրադարձել է նաև Միջինքը նշելու և Դովլաթին տուն կանչելու ավանդույթներին։ Հասմիկ Բաղրամյանը վտանգ է տեսնում օտարի ավանդույթները ներմուծելու և սեփական արմատները մոռացության մատնելու մեջ` նշելով, որ դեպի լույսը շրջվելու ժամանակը հասունացել է։