Sousanna Safaryan - Vay siraharin (Armenian folk song - remastered)

Հայ ժողովրդական «Վայ սիրահարին» պարերգն է՝ Սուսաննա Սաֆարյանի կատարմամբ։ Տեսսանյութը Այս երգն արտահայտում է սիրահար տղայի կսկիծը՝ սիրած աղջկան առևանգելու առթիվ։ Երկար դարեր շարունակ հայ ժողովուրդը, լինելով մահմեդական ցեղերի ու ժողովուրդների իշխանության տակ, հաճախ են եղել այն դեպքերը, երբ օրենքով ամեն կերպ պաշտպանված մահմեդականը կարող էր անպատիժ կերպով առևանգել քրիստոնյա աղջկան՝ առանց վախենալու նրա հարազատների բողոքից՝ դատական ատյաններ։ Իսկ եթե վերջիններս կամ աղջկա նշանածը կամ սիրահարված տղան փորձեր ինքնուրույն արդարություն հաստատել կամ վրեժխնդիր լինել, կպատժվեր մահմեդական պետության օրենքով։ Եվ ահա, այս երգում տեսնում ենք սիրահարված տղայի տառապանքը, երբ առևանգել են իր սիրած աղջկան։ Դրա պատճառով կրած տառապանքներից նրա սիրտը դարձել է նվաղուն, քանի որ ոչ մի ելք չի տեսնում ստեղծված իրավիճակից։ Նրա աչքի առաջ ջոկել են իրենց գյուղի ամենագեղեցիկ աղջկան և տանում են։ Եվ եթե անցած տարի, սիրով վառված իր լեզուն «բլբուլ էր կտրել» ու սիրո խոսքեր էր շռայլում աղջկա հանդեպ, այժմ համրացել է այս տեսարանի առջև, բայ հոգու ծանր ապրումները, ի վերջո, պոռթկացել են այս երգի միջոցով։ Ու դրանից հետո տղան գիշեր ու զօր երգ է ասում ու արտասվում երգի մեջ։ Նրան կարելի է հաճախ տեսնել սար ու ձորերում աննպատակ թափառելիս․ ինքն էլ չգիտե, թե իր գնացած ճամփեն ուր է հասցնելու իրեն, չէ՞ որ իր յարին անվերադարձ են տարել։ Երգի խոսքերը՝ Հագել եմ, ալ եմ դառել, Վա՜յ սարին, վա՜յ յարին, Վա՜յ սիր‰