Sousanna Safaryan - Douman patets (Armenian folk song)

Հայ ժողովրդական «Դուման պատեց» պանդուխտի երգն է՝ Սուսաննա Սաֆարյանի կատարմամբ։ Այս երգը, հավանաբար, ստեղծվել է հայոց ցեղասպանության տարիներին, որով եղեռնից փրկված հայ մարդը ներկաներին պատմում է իր գաղթի դաժան ճանապարհի մասին։ Այս երգը թող ոչ թե մեզ ողբերգական տրամադրություն հաղորդի, այլ լցվենք վճռականությամբ, որ հայն այլևս երբեք նման ողբերգություն չպիտի ապրի, իսկ դրա համար մենք պետք է ազգային զարթոնք և ազգային ինքնաճանաչում ապրենք։ Հավատանք, որ կարող ենք հզորանալ և կհզորանանք։ Ցանկացած իրականություն նախ գոյություն է ունենում մեր մտքի մեջ։ Հզոր հայրենիքը ստեղծենք նախ մեր մտքում և հավատանք նրան ու ինքներս մեզ։ Երգի խոսքերը՝ Դուման պատեց իմ երկիրը, Եվ երկինքը կապուտակ Կապուտակ։ Արյան ծովում իմ խեղճ ազգը Իմ տուն ու տեղ՝ ավերակ։ Բռնել էինք գաղթի ճամփան, Գնում էինք զենքի տակ, Զենքի տակ։ Անզեն էինք, անմեղ էինք, Սիրտը խոցված, լեզուն՝ փակ, Լեզուն փակ։ Հիշում եմ կեռ յաթաղանը, Կիսալուսնի նման էր։ Լաց ու կոծով քայլող թափոր, Ավազներում անեզերք, Անեզերք։ Եվ սուլթանի ձեռքով գնաց Հրապանը (?) արնաներկ։ Հուր-հավիտյան պիտի մարե Հայոց օջախ ու ճրագ, Օջախ ու ճրագ։ Մի նեղացեք, բարեկամներ, Ներող եղեք այս անգամ։ Թողեք այս մի երգը երգեմ, Որ վառվում է կրծիքս տակ, Կրծիքս տակ։