Æрыдоны районы пъæлицæйæгтæ ахуырдзаутæн сарæзтой экскурси хæстон историон комплекс «Барбашовы фæз»

Æрыдоны районы пъæлицæйæгтæ ахуырдзаутæн сарæзтой экскурси хæстон-историон комплекс «Барбашовы фæз»-ы. Экскурси арæзт æрцыд Æрыдоны районы Мидхъуыддæгты министрады кусджытæ æмæ бынæттон администрацийы хъæппæрисæй. Фæсивæд цымыдисæй кастысты, хæсты хъайтарты нывтæ æвдыст кæм сты, ахæм къамты галереймæ. Уæлдай цымыдисаг сæм фæкаст хæстон техникæ. Бабæрæг ма кодтой Петр Барбашовы цыртдзæвæн дæр. Ам сын радзырдтой Фыдыбæстæйы Стыр хæсты архайгæйæ, Джызæлы цæрджытæ тугкалæн тохы цы хъæбатырдзинад равдыстой, уый тыххæй. Экскурси аразджытæ куыд бафиппайдтой, афтæмæй ахæм мадзæлттæ фæсивæдæн пайда сты. Рæзгæ фæлтæрæн æххуыс у патриотон хъомылады. Æвзæрын сæм кæны Райгуырæн бæстæмæ уарзондзинад. _________________________ Мы рядом в: