Талаковы эфір: як сабраць 3800 рублёў на модны праект для хворых дзетак

Калі дзіця цяжка хварэе, яно часта апынаецца ў ізаляцыі. І, на жаль, у Беларусі няшмат ініцыятыў, якія дазваляюць дзеткам з цяжкімі дыягназамі ўключацца ў творчыя праекты разам са сваімі здаровымі аднагодкамі. Каб хоць крыху выправіць сітуацыю, каманда Ірыны Логвін вырашыла арганізаваць паказ адзення беларускіх дызайнераў, маделямі на якім будуць дзеткі з анкалагічнымі захворваннямі. А ўсе сабраныя падчас яго сродкі пусціць на лячэнне і рэабілітацыю. А каб арганізаваць, уласна, паказ, каманда распачала краўд-кампанію на платформе “Талака“. Сабраць трэба 3800 рублёў. Як ідзе сбор, на што менавіта пойдуць грошы, і які працяг можа мець ініцыятыва — абмяркоўваем у “Талаковым эфіры” на Еўрарадыё! Нашы госці — Ірына Логвін і Анастасія Бандарчык.