БУРЯАД УЛАСАЙ ЗАСАГ ТYРЫЕ ТОЛГОЙЛОГШО

Бүхы дэлхэйн буряад-монголшуудай түлөөлэгшэд Булган аймагта 2024 оной июлиин 26-28-да уулзажа, зүрхэ сэдьхэлээ доhолгон, урма баяртайгаар, хүхюун дорюунаар наадабабди. Долоон үнгын hолонго мэтэ элдэб үнгэтэй дэгэлээ үмдэhэн, улаан залаагаа хиисхүүлhэн малгайгаа үмдэhэн үбгэд хүгшэд, залуу хүбүүд басагад, бага наhанай үхибүүд “Алтаргана” нааданай эхилхын урда тээ жагсаалда зогсонобди. Тугууд намилзаад, hүр hүлдэ бадараама хүгжэм зэдэлээд, зүрхөө нилээд хөөрэнхэй буряад-монголшуудаараа жагсаалда зогсоноб Хүнүүдэй шарай баяраар гэрэлтэнэ. Нааданай эхилхын урда тээ баярай оршон байдал тогтоод, жэгтэй гоёхон агшан зуура жэгнэдэг. Буряад Уласайнгаа туг доро hүр жабхалантай алхалалдабабди! Ямар жаргалтай гээшэбиб, ямар талаантай гээшэбиб гэhэн бодол эльгэ зүрхэндэмни сохилно! Монгол үндэhэтэнэй н