ЗАХЯА ДУУН - Посвящается светлой памяти Жаргала Бадмацыренова

Посвящается светлой памяти Жаргала Бадмацыренова Елена Мохосовагай дуулаhан Гунга Чимитовай үгэ, Пурбо Дамирановай хүгжэм дээрэ зохеогдоhон “Захяа дуун“ клип болгон бутээгдэжэ, олоной анхаралда дурадхагдана. Энэ клип хадаа Буряад Уласай габьяата зүжэгшэн, Гүрэнэй дуу хатарай “Байгал“ ансамблиин гол дуушан ябаһан Жаргал Бадмацыреновай мүнхэ дурасхаалда зорюулагдана. Жаргал Бадмацыренов мэндэ амар ябаа hаа, 2022 ондо 50 наhаяа угтаха байгаа. Богонихон наhанайнгаа болзор соо уянгата hайхан хоолойгоороо, сэбэр hайхан шарайгаараа олонхон зоной сэдьхэл дорьбуулжа шадаhан дуушанай нэрэ буряад арадай дунда хэзээдэшье мүнхэ. Жаргал Бадмацыреновай дуулажа ябаhан дуунууд, тайзан дээрэhээ зэдэлжэ байhан хонгео hайхан хоолой хэзээдэшье мартагдахагүй. Олоной дура буляажа шадаhан дуушанай нэрэ, хүгжэм дуунуудынь зэдэлжэл байг лэ.