Сотору кэминэн Амма улууһун бурдуктаах бааһыналарыгар үлэ-хамнас күөстүү оргуйуо

Сааскы түбүктээх ыһыыга бурдук үүннэриинэн дьарыктанар биэс хаһаайыстыба тахсыаҕа. Улуус үрдүнэн туорахтаах култуураны ыһыыга: уопсайа бурдукка 3,5 тыһыынча, сүөһү аһылыгар 4 тыһыынча 200 гектар сир көрүллүбүт. Бэлиэтээн эттэххэ, Аммалар быйыл сиэмэ бурдугунан бэйэлэрин бэйэлэрэ хааччынан олороллор. Күн бүгүн хаһаайыстыбаларга сиэмэ ыраастыыр үлэ ыытыллар. Быйыл күн-дьыл уһаан биэрэн, ыһыыга хойутаан тахсыахтара, ыам ыйын 15-с күнүн кэннэ былаанныыллар. Онтон ыһыы үлэтин бэс ыйын 10 күнүгэр диэри бүтэрэр соруктаахтар.