80 жастағы құқық қорғаушының күресі

«Асыл ана» қоғамдық бірлестігінің жетекшісі, петропавлдық құқық қорғаушы Теңдік Сәрсекеева 20 жылдан бері мүгедек әйелдердің құқығы үшін күресіп келеді. Бала күнінен 1-топтағы мүгедек. Жергілікті билікті сынап, мүгедек әйелдер мен мүгедек баласы бар отбасының әлеуметтік жағдайын қорғаған әрекеті Солтүстік Қазақстан әкімдігіне ұнамапты. «Мүгедек әйелдердің баспана мәселесін айтқым келеді» деген қария жақында астанаға келген. Бұрынғы банк қызметкері, «Нұр Отан» партиясының ардагері ақыры жоспарлаған ісін орындай алмай Петропавлға кері аттанды.