Քանի դեռ Թալեաթի գերեզմանին ծաղիկ դնող կա, մենք նրանց հետ գործ չունենք

«Արար» հայ ազգային արվեստի պահպանման կենտրոնի հիմնադիր - ղեկավար, Հայաստանի վաստակավոր արտիստ, երգիչ Արսեն Գրիգորյանը Sputnik Արմենիայի հետ զրույցում անդրադարձել է մտավորականի բնութագրմանն ու առաքելությանը։ Երգիչը համոզված է, որ արվեստագետի կյանքն ու ստեղծագործությունները չեն կարող իրար հակասել, և միայն երգով հնարավոր չէ պայքարել հանուն պետականության։ Նա վստահ է, որ մասնագիտական ու անձնական սկզբունքները չեն կարող ավելի թանկ լինել, քան հայրենիքի կամ ժողովրդի ապագան, անվտանգությունն ու ազգային ինքնության պահպանումը։ «Աշխարհում ցիրուցան եղած հայերի ճակատագրի պատճառը թուրք ցեղասպանն է, որին ինչպես էլ անվանես՝ հակառակորդ, թե հարևայն, միևնույնն է՝ թշնամի է», - հիշեցնում է Արսեն Գրիգորյանը։