ԱԶԳԱՅԻՆ ՊԵՏՈՒԹՅՈՒՆ

ԱԶԳԱՅԻՆ ՊԵՏՈՒԹՅՈՒՆ Որոշ ազգանվեր գործիչներ իրավամբ նկատում են, որ մեր թշնամիները մեծագույն փութաջանությամբ ճնշում ու փորձում են խեղդել մեզանում ամեն ազգային, քանի որ ազգային ինքնագիտակցությունն ու ինքնաճանաչումն են ազգին գլոբալիզացիայի ճիրաններից հեռու պահող միակ լծակները։ Ցավալիորեն, սակայն, նույն ազգանվեր գործիչները մեր ազգի ճշմարիտ պատմությունը, այբուբենը, ծեսերն ու ազգագրությո՛ւնն են համարում ազգային ինքնագիտակցության ու ինքնաճանաչման տանող միակ գործիքները, լավագույն դեպքում՝ սեփական ազգի գենետիկ կոդի բացառիկության գաղափարը՝ «ցեղակրոնություն» անվանումով։ Համարյա ոչ ոք դեռ չի նկատում, որ «ցեղակրոնությունից» սկսած մինչ այժմ այդ ամենը ոչ մի ազդեցություն չունեցան, երբ հայ ժողովուրդը կարծես փորձում էր ազգային պետություն ձևավորել անկախացում ստանալուց հետո։ Ձախողման պատճառներից մեկն, իհարկե, այն էր, որ ղարաբաղյան շարժումն ուղղորդած ու իներցիայով իշխանության հասած օտար երկրների գաղտնի ծառայությունների գործակալներն ու դրածոները երբեք ազգային պետություն չէին կառուցելու։ Ամենագլխավոր պատճառը, սակայն, այն էր, որ այն ժամանակ, ու ցավոք սրտի դեռ մինչ այժմ, ոչ մի հայ մտավորական չգիտի, որ ազգային պետություն ձևավորելու համար ազգային ուսմունք է պետք ունենալ։ Անկախացում ստանալուց հետո նույնիսկ եթե մեր երկրի իշխանության ղեկին չլինեին օտարերկրյա գործակալներն ու դրածոները, այլ, ասենք՝ մի հրաշքով, լիներ հայ մտավորականությունը, ապա, միևնու