Rusiya sülhməramlılarının erməni şousuna Azərbaycan nə cavab verəcək?

Təbii sərvətlərimizin talanması ermənilərin rus sülhməramlıları ilə ilk belə işbirliyi deyil. Bundan əvvəl, bölgəyə silah daşınması, müxtəlif vaxtlarda 27 İran xüsusi təyinatlısının bölgəyə buraxılması da rus sülhməramlı kontingentinin yaşıl işiq yandırması ilə baş tutmuşdu. Onların niyə və nə üçün gəlməsi gizli qala bilməzdi və qalmadı da. Azərbaycanın qızıl mədənlərinin istismarı, bölgədə narkotik istehsalı da Vardanyan-Volkov işbirliyinin nəticəsidir. Əldə olunan gəlirlər onların cibini doldurmaqla bərabər, həm də Qarabağda mövcud vəziyyətin saxlanması üçün Moskva və İrəvandakı qara kassalara axır. Vəsaitin bir hissəsi Rusiyayönlü, anti-Paşinyan müxalifətə də yönəldilir. Azərbaycan Qarabağın hər qarışında baş verənlərdən xəbərdardır. Məramı sülh olmayan rus kontingentinin hərəkətləri artıq səbr kasamızı daşırır. Azərbaycanın buna cavabı heç də yumşaq olmaya bilər. Belə görünür ki, Laçın yolu sülh yox, hərbi cinayətkarlar və talançılar üçün keçid məntəqəsidir. Halbuki Azərbaycan onu etnik ermənilərə, bir növ, nəfəslik üçün açmışdı. İndi Azərbaycan üçün bir yol qalır: Laçın dəhlizində öz nəzarət-buraxılış məntəqəsini qurmaq. #ictimaitv #video #televiziya #baku #videolar #itv #azərbaycan #qarabağ #xankəndi #rusiya #moskva #sülhməramlılar #rusiyasülhməramlıları #kreml #volkov #vardanyan #iran #tehran #diversantlar #müharibə #sülh #ermənistan