Унăн ячĕ вилĕмсĕр

Раççей ăслăлăхĕсен академийĕн корреспонденчĕ, тĕрлĕ çĕршывăн ăслăлăх академийĕсен хисеплĕ пайташĕ, Тĕп тата Вăтам Ази халăхĕсен историне тĕпчекен пĕрремĕш ăсчах. Ку пĕтĕмпех пирĕн паллă ентешĕмĕр Никита Бичурин пирки. Кăçал вăл çуралнăранпа 242 çул çитет. 190 çул каялла вара вăл Питĕр хулинчи наци вулавăшĕн хисеплĕ библиотекарĕ ята тивĕçнĕ. Çакна халалласа унта савăнăçлă уяв иртрĕ. Питĕрти чăвашсем патĕнче наци конгресĕн хастарĕсем те пулчĕç.