Шиносоӣ бо сомиёни (подписчики) - ҳои саҳифаи youtube.

Ҳастии миллат пеш аз ҳама дар маънавияту маърифат ифода меёбад ва баёнгарии маънавияту маърифат барҷастатар аз ҳама дар дониш муяссар мегардад. Фақат мавҷудияти моддӣ ва ҷисмонӣ нишони ҳастии инсон ва шахсе, халқеву миллате нест. Тасаввуроти аслӣ дар бораи бунёди Ватан, Миллат, Давлати миллӣ дар заминаи ҳамин навъ дарки олам - орзуи мансубият ба сарзамини муқаддас ва ҷамъияти аз нигоҳи маънавӣ дар сатҳи баланд қарордошта, урфу одати ба худ хос ва ирсияти таърихан такомулёфтаи хеш пайдо шудааст. Аз чунин бархӯрди эътирофи мансубияти моддӣ ва маънавӣ инсон кӯшидааст, ки дар ҳамбастагӣ ва якдилӣ диёри хешро дар амну, сулҳу субот ва рушду камол бинад. Миллате, ки худогоҳ аст, миллате, ки ифтихору ғурури миллӣ дорад, миллате, ки «деҳқонаш барои дигарон кишт намекунад», рушди ҷовидона меёбад.