Qulu Ağsəs - Bilmirəm

Şair: Qulu Ağsəs Oxuyur: Zemfira Abdulsamadova “Bilmirəm“. #994fm #poetry #QuluAğsəs #radiopoetry Dan yeri - gecənin göydə od tutan Bağrıdı. Xəbərin varmı? - Bilmirəm. Bir də yarpaq salma külək poçtuna Bağlıdı. Xəbərin varmı? - Bilmirəm. Ürəyin - içəri qapındı sənin, Aç görək, nəyin var qabında sənin?! Ömür-gün bölünüb... qalıqda səni Saxladı. Xəbərin varmı? - Bilmirəm. Hərəmiz borcludu bir can ölümə, Ölsək də, tapmarıq əncam ölümə. Tanrı qırmır bizi... ancaq ölümə Yoxladır. Xəbərin varmı? - Bilmirəm.