1953 թվականի «Ջերմամիջուկային ամառը»

1953 թվականի «Ջերմամիջուկային ամառը» 1953 թվականի օգոստոսի 12-ին ԽՍՀՄ անցկացրեց իր ջրածնային «Սլոյկա» ռումբի առաջին փորձարկումը։ РДС-6с կամ «Սլոյկա» ջրածնային առաջին ռումբը ստեղծեցին 3 տարում։ «Սլոյկայի» չափերը թույլ էին տալիս РДС-6с–ն նետել ինքնաթիռից, այն դեպքում, երբ ԱՄՆ «Իվի Մայք» ջրածնային ռումբը տան չափերի էր հասնում։ Դա թույլ տվեց, որ ԽՍՀՄ–ը «ջերմամիջուկային մրցապայքարում» առաջատար դիրք զբաղեցնի։ Ջրածնային ռումբի փորձարկումն իրականացվում էր Ղազախական ԽՍՀ–ի զորավարժարանում, որտեղ ռազմատեխնիկայով մի ամբողջ քաղաք էին կառուցել։ «Սլոյկան» տեղադրել էին «բնակավայրի» կենտրոնում գտնվող 30 մետր բարձրություն ունեցող պողպատե կայմի վրա։ 4 կմ շառավղով բոլոր շենքերն ավերվել էին, իսկ կամրջի 100-տոննայանոց տարրերը` 150-200 մետր հեռավորության վրա նետվել։ Պայթյունից առաջացած տաք հոսանքը զգացվում էր 25 կմ–ի վրա։ Փոշու ամպերը 8 կմ բարձրության էին հասնում, իսկ դրա տրամագիծը 6 կմ էր։ Նրանք, ովքեր պայթյունին հետևում էին զորավարժարանի արևմտյան մասից, ականատես եղան, թե ինչպես օրը մթնեց։ Source: armeniasputnik