“Чукля рӧмпӧштан“, читает автор Николай Щукин

Коми поэт Николай Щукин читает свое стихотворение “Чукля рӧмпӧштан“: Частӧ телевизорын “Чукля рӧмпӧштан“ Вежнясьӧ сэн, видзӧдам Йӧвгень Петрӧсян. Сэн жӧ сылӧн гӧтырыс, Степаненко Лен, Ӧтиторсӧ сӧрӧ век, Дыш кывзыны мен. Юрий Гальцев петавлӧ, Мортыс ёнсьыс-ён, Некор оз шу, серавлы, Мыйла содӧ дон? “Выль роч бабъяс“ сэтӧні -- Кыкнанныс мужик. Серамӧй оз петавлы Йӧйяс вылӧ дзик. Тшӧкыда тшӧтш аддзывлан Жириновский сэн. Мортыс ассьыс казяліс: Енби менам эм. Кужа депутатавны, Йӧзӧс нӧйтігмоз, Кужа и вак-вакӧдны, Нинӧм вӧчигмоз. Президентӧ сюйсьывны Витысь кӧсйи ме. Тырмис эськӧ сюсьлунӧй, Вежӧр менам эм! Но, а тшӧг москвичьясыд Шог оз тӧдны нач: Сералӧны кочкавмӧн, Швач-швач, кекӧнач. Но, а менам, комилӧн, Весиг нюм оз пет. Ош моз мурза ола ме, Ёран вӧльнӧй свет. Сьӧм оз тырмы нянь вылӧ, Вунӧді театр. Тшыг кынӧмӧ кылӧда, Донтӧм концентрат. Важӧн дугді серавны, Сідзкӧ, гӧг оз письт. “Выль роч“ ордӧ петала, Оз-ӧ мыйкӧ кисьт? Ссылка: Коми литература