Хараар-Тей

ХАРААР-ТЕЙГЕ ЭР КИЖИНИҢ ҮШ АДААНЫ Июнь 12-де Улуг-Хем кожууннуң Чааты сумузунуң Хараар-Тей деп бурунгу улуг оваа эдээнге республика чергелиг «Хараар-Тейге эр кижиниң үш адааны» деп адаан-чарыштыг мөөрей болуп эрткен. Бо чылгы мөөрей Тыва Арат Республиканың 100 чыл оюнга болгаш Тыва Республикада чарлаттынган «Улусчу бот-идекпей чылын» деткиири-биле эрткен. Мөөрейниң кол эрттирикчилери - Улуг-Хем кожууннуң болгаш Чааты сумузунуң чагыргазы, Чаатының адалар Эвилели, Тыва үндезин культура төвү. «Хараар-Тейге эр кижиниң үш адааны» республика чергелиг мөөрейлерниң бирээзи апарып, чылдан чылче киржикчилерниң саны көвүдеп, өзүп турары өөрүнчүг. Ниитизи-биле мөөрейге аныяк мөгелер аразынга хүрешке 28 мөге, 6 аңгы салыгларга 150 аът, тыва ча: баг адар оюнга 24 багжы киришкеннер. Байырлалды эрттиреринге эвээш эвес үлүг-хуузун киирип, шупту демниг ажылдаан кижи бүрүзүнге өөрүп четтиргенивисти илередип, ажыл-ижиңерге улуг чедиишкиннерни йөрээп, «Хараар-Тейге эр кижиниң үш адааны» деп улуг мөөрейивис ам-даа сайзыраары