Дьокуускайга Ленин проспегын саардан ооруу лэтэ салгыы ыытыллар

Киин куорат Ленин аатынан проспегын саҥардан оҥоруу салгыы ыытыллар. Ол курдук, былырыын алтынньы 7 күнүттэн саҕаламмыт үлэ, эһиил күһүҥҥэ диэри ыытыллыа. Манна сүрүн болҕомтону суол хаачыстыбатыгар уураллар. Икки килэмиэтир 800 миэтэрэ усталаах суол үлэтэ учаастактарынан арахсан оҥоһуллар. Уопсай суумата балтараа миллиард солкуобай кэриҥэ. Быйылгы сылга оҥоруу былаана Дзержинскэй уулуссатыттан, Кулаковскай аатынан уулуссаҕа биир килэмиэтир 800 миэтэрэҕэ диэри барар. Бэдэрээттиир тэрилтэ суолу хаһан, тааһын кутан асфальты уурарга бэлэмнэнэр. Тутуу-монтаж үлэтин 25 %-на түмүктэммит. Быйыл суолунан сырыыны сөргүтүөхтэрэ, оттон хаалбытын кэлэр сыл балаҕан ыйыгар бүтэриэхтэрэ.