Хәтерлә. Р.Нутфуллина.Х.Дильмухаметов

Хәтерлә һин мине, иҫкә ал гел, Бер минут та мине онотма. Хаталарым булһа, ғәфү ит тә, Асыу ғына, зинһар, һин тотма. Серле, сихри төндәр ҡосағында Йондоҙҙарға ҡарап иҫкә ал. Үткән көндәр ҡайтмай һис тә, әммә Йөрәк түрҙәренә мине ал. Төштә генә күргән хыял итеп Хәтерлә һин мине, иҫкә ал. Моңло йырҙар тыңлап хисләнгәндә, Хыялыңда минең янда ҡал. Хәтерлә һин мине йәнекәйең Мөхәббәттән шашып осҡанда. Хәтерлә һин мине шатлығыңдан Бар ғаләмде ярһып ҡосҡанда. Онотма һин мине, юҡ онотма, Хәтерлә гел, гел дә хәтерлә. Уйҙар, хистәр, моңдар донъяһында, Хыялдарҙа гел ҡалайыҡ бергә. Нутфуллина Рәйлә