Ҫӗрпӳ районӗнчи Ҫӗньяла тинех транспортпа кирек хӑш вӑхӑтра кӗрсе тухма пулать

Ҫӗньялта пурӑнакансене Тӗп урамра ҫул ҫукки чӑрмантарнӑ. Тӑрук чирлесе ӳкнӗ ҫынна васкавлӑ пулӑшу машини кӗрейменнипе урам пуҫне йӑтса тухни те пулнӑ. Пушар машини те пӗрре мар йывӑрлӑх тӳснӗ. Ҫул ҫуккине пулах хӑшӗ-пӗри кунтан урӑх ҫӗре пурӑнма куҫса кайнӑ. Кӑҫал вара тинех халӑх пуҫарӑвӗн программипе вак чул сарма май килнӗ.