“СЫР КАГАР ЁЗУЛАЛ“ - Тыва үндезин культура төвү

Хүндүлүг эш-өөр! Тыва үндезин культура төвүнүң ажылдакчылары 2018 чылдың сентябрь 29-та МООЛДУҢ ХОМДУ (Ховд) хоорайда чурттап чоруур ДОНГАК ЭРДЕНЕ акыйның аалынга аалдап барып, тываларның Донгак сөөктүг дарганнарның бурун СЫР КАГАР ЁЗУЛАЛЫН тырттырып эккелген. Бо ёзулалды амгы үеде Моолда колдуунда чүгле Донгак сөөктүг Эрдене акый кылып чоруур. СЫР КАГАР ЁЗУЛАЛДЫҢ УТКАЗЫ - өгде аарып турар улус бар болза, ол улусту эмнээр, бергедээшкиннерге таваржып турар кижилерниң човулаңын чиигедир. Ёзулалдың утказын, ону канчаар кылып турганының дугайында чүүл Ноябрь айда “Шын” солунга үнген. Өгбелеривстен дамчып келген бурун ёзулалды сонуургап көөрүнче чаладывыс.