Video by Karina Kasimova

18 ғинуар класыбыҙ менән “Красноусольский“ санаторийында ял итеү бәхете тейҙе. Беҙҙе өлкән инструктор методист Клементьева Елена Александровна менән ял итеүселәрҙең ялын ойоштороу буйынса бүлек начальнигы Хәкимова Рәзимә Мәжит ҡыҙы ҡаршы алды. Катоҡта төрлө ярыштар ойошторолдо. Беҙҙең өсөн был күренеш беренсегә, шул тиклем күңелле булды! Алып барыусының дәртләндереп тороуы, иптәштәребеҙҙең командалар өсөн тауыш биреүе, күңелле музыка- барыһы ла кәйефте күтәрҙе, сәмләндерҙе, мауыҡтырҙы. Теләүселәргә саңғыла шыуыу ҡаралған ине. Әлбиттә, класташтарым бында ла һынатманы. Саф һауала уҙған күңелле, дәртле бейеүҙәрҙән бер кемдә ситтә ҡалманы. Ә иң ҡыҙығы шул булды: был ваҡытта Өфөнән ГТРК “Башҡортостан“ телевидениеһы курорт биләмәһендә сьемкалар алып бара ине. Камераға беҙ ҙә эләктек. “Тирмә“ кафеһында эҫе сәй, ҡоймаҡ менән һыйланып күңелдәребеҙ көрләнде. Ошондай матур ял ойоштороусы директорҙың сервис буйынса урынбаҫары Т.И.Фәхретдиновка, Е.А.Клементьеваға, Р.М. Хәкимоваға, гимназия хакимиәтенә ҙур рәхмәтебеҙҙе белдерәбеҙ. НөктәТV хәбәрсеһе Карина Ҡасимова