Bazarda alyjydan, satyjy kp

Lebabyň kaşaň köpugurly söwda bazarynyň açylanyna bäş aý boldy. Açylyşy prezident Berdimuhamedowuň gatnaşmagynda amala aşyrylan bu bazaryň, welaýatyň meşhur dünýä bazarynyň ornuny eýelemegine garaşylýardy. Şunlukda Lebabyň dünýä bazary ýykylyp, onuň deregine gurlan bu bazar henize çenli müşderileriň ünsini özüne çekip bilmän gelýär. Täze bazardaky dükanlaryň arendalary gymmat bolup, onuň harytlaryň bahasyna, bu ýagdaýyň bolsa müşderileriň bazara gelmek höwesine ýaramaz täsirini ýetirýandygy aýdylýar. Bu faktorlar dükançylaryň bu ýagdaýya haça çenli çydap biljegi, şeýlelikde bazaryň gelejegi barada dürli soraglary orta atýar.