Татьяна Барышникова МАТРЯ ПАТЯЙ (автор С.Люлякина) На Дне эрзянского языка в Пикшени.
— Матря патяй, ков молят?
Корьминецькем, ков капшат?
— Мон а маштан сёпомо ды
Молян урьвань чиямо.
— Матря патяй, кинь саят?
Чивалдынем, кинь саят?
— Саян урьва истямо,
Мазый цедянь кондямо.
- Саят цецянь кондямо?
Минек арась истямо.
— Кода арась истямо?
Оно Наталь кодамо?
— Натань арась пулозо,
Цёканзюро улозо.
— Кадык берянть черензэ,
Ансяк улест превензэ.
— Вант: кичкeрeть пильгенээ
Ды пек ашот кедензэ.
— Кадык ашот кедензэ,
Улест паро тевензэ.
— Сон а машты киштеме,
Мазый моронь морамо.
— Монсь тонавтса морамо,
Маштовoль бу эрямо.
Тейтерть, кeлeнк пряс пси жарт,
Тынь Наталень илинк сялдт:
Ещё кoтo мoнь цёран,
Кото урьват мон саян.