«УРАМ БӘЙРӘМЕ»

Соңгы елларда республикабыз районнарында авыл көне, урам бәйрәмнәре уздыру матур бер традициягә кереп бара. Сабантуйлардан аермалы буларак, гадәттә бу көнне спорт ярышлары да, халык уеннары да һәм һәртөрле бәйгеләр дә булмый. Авыл читендәге болында корбан чалып аш мәҗлесләре уздырыла, кул эшләре белән кәсеп итүчеләр остаханәләр оештыра, эшләнмәләре белән сәүдә итә, сәнгать осталары концерты була. Шундый бәйрәмнәрнең берсе - урам көне Чүпрәле районының Яңа Кәкерле авылында үтте. Кунаклар арасында безнең хәбәрчебез Рамис Сафин да бар иде.