Бүгүн бэс ыйын 10 күнүгэр, Ньурба улууһугар 3 ойуур баһаара баарыттан, 2 баһаар төгүрүтүлүннэ.

Ньурба улууһун үрдүнэн бүгүннү күҥҥэ 3 ойуур баһаара, барыта 1022 гектар иэннээх сиргэ бара турар. Мантан уопсайа 722 гектар баһаар бара турар сирэ, Ньурбачааҥҥа уонна Арансатаахха төгүрүтүлүннэ. ол эбэтэр 13 нүөмэрдээх Күндээдэ нэһилиэгэр уонна 20 нүөмэрдээх Ньурбачаан нэһилиэгэр бу икки баһаар локализацияланна. Күн бүгүҥҥү туругунан, бу 3 баһаарга барыта холбоон 309 киһи, мантан ГАУ «Якутлесресурс» - 38 үлэһитэ, ДПС «Авиалесохрана» - 53 уонна федеральнай күүстэртэн ДПС 132 киһи, барыта 53 техника, уоту утары охсуһар. Ойуур баһаардара Ньурба улууһугар саҕаланыахтарыттан, бүгүҥҥэ диэри уопсайынан ылан этэр эбит буоллахха, олохтоох нэһилиэнньэттэн барыта 806 киһи кыттыбыт, балартан билигин да уоту умуруорууга улэлэһэллэр. Ньурба улууһугар бара турар 3 ойуур баһаарын умулларыыга Россия МЧС-ын вертолета уонна БЕ-200 амфибия самолета уопсайа холбоон 115-тэ уу быраҕыытын оҥорбуттар, холбоон эттэххэ барыта 509 тонна ууну үөһэттэн түһэрбиттэр. Салгыы баһаардары утары үлэ салҕанар, локализаяламмыт баһаардары ликвидац