Հայաստան-Վրաստան հարաբերություններին պետք է նոր լիցք հաղորդենք․ վրացագետ Ջոնի Մելիքյան

«Հայ–վրացական քաղաքական երկխոսությունն այսօր բարձր մակարդակի վրա է, և կարիք կա, որ այդ քաղաքականից անցում կատարենք պրակտիկ համագործակցության»,- Sputnik Արմենիայի հետ զրույցում ասել է վրացագետ Ջոնի Մելիքյանը` մեկնաբանելով ԱԳ նախարարի Վրաստան կատարած այցի արդյունքները։ ՀՀ ԱԳ նախարար Արարատ Միրզյանը հուլիսի 3-ին պաշտոնական այցով Թբիլիսիում էր։ Վրաստանի վարչապետ Իրակլի Կոբախիձեի հետ հանդիպմանը քննարկվել են ռազմավարական գործընկերության և առևտրատնտեսական հարաբերությունների խորացմանը վերաբերող հարցեր։ Վրաստանի վարչապետը վերահաստատել է, որ Թբիլիսին պատրաստ է ներդրում ունենալ տարածաշրջանում խաղաղություն ու կայունություն հաստատելու գործում: