მოგზაურობა რკონის უკაცრიელ ხეობაში

მდინარე თეძმის ხეობა რომელსაც ხშირად მარტივად რკონის ხეობასაც ვეძახით ჩვენთვის უსაყვარლესი ადგილია. ბევრი მოლაშქრე სტუმრობს რკონის მონასტერს, ჩაჩუბეთის ეკლესიას, დრისის ციხეს, საბოლიას ხეობას, თუმცა ჩვენ ამჯერად წალკის მხრიდან ზირთას მთის გავლით აბსოლუტურად მიკარგულ ხეობაში დავეშვით. ამ ხეობაში არსებულ ციხისა და ეკლესიის მდებარეობაზე ინფორმაცია ძველმა მოლაშქრემ და მთასვლელმა იგორ ელისეევმა მოგვაწოდა, რისთვისაც დიდი მადლობა მას. განსაკუთრებით ლამაზია ჩვენი ბუნების ველური, ნაკლებად ცნობილი, არ გაკვალული მიმართულებები, მოდით ერთად მოვუაროთ მათ, ყველგან ცივილიზაციას და სახლებს ნუ შევიტანთ, ნუ მოვჭრით ხეებს, ნუ ვივლით ჯიპებით სალაშქრო ბილიკებზე, ნუ ვინადირებთ, დავტოვოთ ისეთი ხელუხლებელი როგორიც დაგვხვდა. ეგიძლიათ მოგვძებნოთ Facebook-ზე ჩვენი ვიდეო პროექტი არაკომერციულია და მიზნად ისახავს ქართული საზოგადოების ცოდნის ამაღლებას სალაშქრო, სათავგადასავლო, თვითგადარჩენის მიმართულებით. ვინაიდან ამ პროექტს ორი მოხალისე ვაკეთებთ, ჩვენი რესურსები შეზღუდულია. საჭიროა ახალი აპარატურის შეძენა უკეთესი ხარისხის მისაღწევად, ახალი აღჭურვილობის ყიდვა ტესტირებისთვის და შემდგომ ვიდეოებში გადასაღებად. თუკი გსურთ, გვერდში დაგვიდგეთ და ერთობლივად გავაკეთოთ ეს საქმე, შემოწირულობის გადმორიცხვა შეგიძლიათ ანგარიშზე: GE20TB7644545067800001