Урал Фәтхетдиновтан шиғыр

Хәлил үҙенең данлыҡлы ауылдаштары менән күптән инде республикала киң танылыу яулаған. Советтар Союзы Геройы Рәүеф Дәүләтов, РСФСР-ҙың атҡаҙанған артисы Ғәйфулла Сарбаев, БАССР-ҙың халыҡ һәм атҡаҙанған артисы Ушанов Ғиниәт, яҙыусы Шакир Биҡҡол һәм башҡа бик күп шәхестәребеҙ ошо төбәктә тыуып үҫкән. Әле лә ауылдаштырым араһында билдәлек яулаған төрлө һөнәр эйәләре етәрлек. Сәнғәт өлкәһендә генә Рима һәм Дамира Амангилдиналар, Илфат Мусин, Айгөл һәм Фәнил Әсәҙуллиндар, Динар Ласыновтар тураһында ишетмәгән кешеләр һирәктер. Яңыраҡ ҡунаҡта тағы ла бер талантлы ауылдашым менән бергә булырға тура килде. Баҡтиһәң, биш бала атаһы Урал Фәтхетдинов сатира оҫтаһы икән. Ул һөйләгән шиғырҙы тыңлап барыбыҙ ҙа илағансы көлдө. Ҡатын-ҡыҙҙар көнө уңайынан ошо шиғырҙың бер өҙөгөн һеҙ гә лә тәҡдим итергә булдым. Дауамы уның тағы ла ҡыҙығыраҡ. Былтыр Хәлилдә үткән урамдар байрамында Урал ошо шиғыры менән беренсе урын яулаған.