Еләкле яланда.

ЕЛӘКЛЕ ЯЛАНДА Аҡ ҡылғандар үҫкән яландарға Килдем бешкән еләк йыйырға, Һинең менән бергә йөрөгәнде Йылдар үткәс, иҫкә алырға, Иҫеңдәме, йәнем, минең һиңә Ҡыҙыл еләк өҙөп биргәнем, Ә һин миңә * Еләктәрҙән тәмле Һин бит үҙең генә..* тигәнең.. Шул минуттар минең хәтеремдә Әлегәсә ҡәҙәр һаҡлана, Һинең һөйөүөңдө хәтерләтә Еләк бешкән ҡылғанлы дала. Ер еләге бешкән яланда Тирбәләләр елгә ҡылғандар, *Һөйәм һине, йәнем..*тигән һүҙең Йөрәгемә уйылып ҡалғандар.