Россиялык компания Кыргызстандын миллиондогон доллар карызын тлгн

2012-жылдын декабрында Казакстандан келген газ түтүгүндөгү басым төмөндөп, Бишкек жана Чүй облусунун миңдеген тургундары газсыз калган. Ал эми Кыргызстандын газга болгон карызы ондогон миллион долларга жеткен. Энергетика тармагына күч келгендигине байланыштуу жарык өчүп, кычыраган суукта эл электр энергиясыз жана көгүлтүр отсуз калган. Шаардыктар митингге чыга баштаган. Өлкөнүн газ тармагы кыйрап калуу коркунучуна кептелген. 2013-жылы “Кыргыз газ“ россиялык “Газпромго“ сатылган. Андан бери өлкөдө жаратылыш газын керектөө жылына 210 миллион куб метрден 500 миллион куб метрге өскөн. Ал эми газдаштыруунун көрсөткүчү 40 пайызга чейин жогорулаган. Эң негизгиси, россиялык инвестор Кыргызстандын газга болгон 40 миллион доллар карызын Өзбекстан менен Казакстанга төлөп берди.