ТАБЫН АСАУ-БАРАҚ БАТЫР АСЫ МАҢҒЫСТАУ ОБЛЫСЫ, БЕЙНЕУ АУДАНЫ 2013 ЖЫЛ

Маңғыстау облысы, Бейнеу ауданында, 2013 жылы, қыркүйек айында, (Жеті ру) Кіші жүздің Табын руынан шыққан «Асау-Барақ батыр бабалардың» 250-270 жылдық құрметіне арнап, Табын ағайындар 3 күн бойы үлкен Ас берген еді. Асқа 4 жаңа темір тұлпар қойылды. Шара аясында Аламан бәйге, Ошақ бәйге, Қазақша күрес, Арқан тартыс, Кір тас көтеру сынды ұлттық спорт түрлерінен жарыстар ұйымдастырылып, концерттік бағдарлама мен жыршылар сайысы өткізілді. Бұған қоса, жиылған халық суырыпсалма айтыс ақындарының өнерін де тамашалай алды. Бабалар рухына арналған қайырымды шараға келемін деушілерге шектеу қойылмады. Қазақстанның әрбір облысынан, Ресейде тұратын қандастар, Қарақалпақстан, Өзбекстан, Түрікменстан елдерінен қонақтар келді. Аламан бәйгенің 1-2 орын алған жеңімпаздарға темір тұлпар, Ошақ бәйге мен Қазақша күрес Түйе палуан жеңімпазына темір тұлпардың кілті табысталды. Ұйымдастырушы: Табын ағаларыма Алла разы болсын!!!