Мирамбек Камалов: Ақтөбеде коронавирус індеті өршіп барады/ ЖСДП Ақтөбе филиалы

Ақтөбеде өкпе қабыну дертінен 8 адам қайтыс болса, 22-сінің жағдайы ауыр күйде. Маусым айының 1-18 аралығында 650 адам өкпе қабыну дертіне шалдыққан. Бұл өткен жылғымен салыстырғанда 6 есеге көп. Сонымен бірге, өңірде науқастарды орналастыратын ауруханадағы орындар жетіспеуімен қатар, дәрігер мамандар тапшы. ЖСДП Ақтөбе облыстық филиалы, осы жағдайға қатысты, Үкімет пен облыс басшылығынан тығырықтан шығудын тиімді жолдарын дереу қабылдап, оның ішінде: 1. Азаматтарды жаппай тесттен өткізуді, коронавируске тест бағасын тиімді етуге: 2. Үй жағдайында ем алып жатқан науқас азаматтарға, өзге өңірлердің мамандарын тарта отырып, дистанционды бақылау жүйесін жүргізу; 3. Өңірдегі бос ғимараттарды жеңіл түрімен ауыратындарға емдеу орнына айналдыру; 4. Өңірдегі дәрігерлердің жетіспеушілігін жою бойынша кешенді жоспар қабылдауға шақырамыз.