Преподобный Иларион Новый,Пеликитский

Канон святому преподобному Илариону Новому, игумену Пеликитскому Припев: Преподо́бне о́тче на́ш Иларио́не, моли́ Бо́га о на́с. Память: 10 апреля (28 марта ст. ст.) Глас 2. __ Святому преподобномученику Илариону Пеликитскому Тропа́рь му́ченика, гла́с 4. Му́ченик Тво́й, Го́споди, Иларио́н, во страда́нии свое́м вене́ц прия́т нетле́нный от Тебе́, Бо́га на́шего, име́яй бо кре́пость Твою́, мучи́телей низложи́, сокруши́ и де́монов немощны́я де́рзости. Того́ моли́твами спаси́ ду́ши на́ша. Конда́к, гла́с 2. Яко подви́жника благоче́стия иску́сна, и страда́льца произволе́нием честна́го, и пусты́ни жи́теля и все́льника, в пе́снех досто́йно восхва́лим Иларио́на присночестна́го: то́й бо зми́я попра́. Величание Ублажа́ем тя, преподо́бне о́тче Иларио́не, и чтим святу́ю па́мять твою́, наста́вниче мона́хов и собесе́дниче А́нгелов. Молитва О, пресла́вный преподобному́чениче Иларио́не, ско́рый помо́шниче и те́плый засту́пниче всех, притека́ющих к тебе́, предста́тельством свои́м пред Го́сподом умоли́ Спа́са на́шего, да обрати́т ду́ши на́ша к покая́нию и исправле́нию, да да́рует мир оте́честву на́шему и всей земли́ и да помо́жет всем нам тве́рдым бы́ти в ве́ре Правосла́вней и де́лех благи́х, да отжене́т от нас дух зло́бы и лука́вства и братолю́бие всели́т в нас, и да прино́сим плоды́ духо́вныя: любо́вь, бла́гость, милосе́рдие, ве́ру нелицеме́рную, кро́тость и воздержа́ние, и да, распя́вше на земли́ плоть на́шу со страстьми́ и похотьми́ и ду́хом живу́ще и ходя́ще, сподо́бимся жи́зни ве́чныя в ве́це гряду́щем, и, ра́йския сла́дости при́сно наслажда́ющеся с тобо́ю и со все́ми святы́ми, просла́вим Отца́, и Сы́на, и Свята́го Ду́ха, ны́не, и при́сно, и во ве́ки веко́в. Ами́нь.