Өңірдің дін қызметкерлері жамағатқа әлеуметтік желі арқылы уағыз айтуын жалғастырады

Бүгін шығармашылық академиясы орталығында өңіріміздің дін қызметкерлері жылдық қорытынды есебін берді. Жыл басынан бері облыста 13 мешіт салу жоспарланған. Бүгінде оның 7-уінің құрылысы жалғасып жатыр. Сондай-ақ облыста “Ел үлесі - пәтерге“ науқаны арқылы 9 отбасы баспаналы болды. Карантин кезінде де дін қызметкерлерінің жұмысы тоқтамады. Олар онлайн кездесу өткізіп, халықты сабырға шақырды. Әлеуметтік желі арқылы жамағатқа уағыз айтып, діни сауаттылықты ашуға үлес қосты. Жат ағымның жетегіне кетіп, қайта оралуына жүйелі жұмыс істеуде дін қызметкерлерінің ісі ұшан теңіз. Аудан және қала имамдарының жекелей және онлайн өткізген кездесулері өз жемісін беріп отыр. Биыл қалада “Әс-Сәләм“ қарилар орталығы ашылды. Онда толық емес отбасында өскен балалар білім алып жүр. Орталық оқушыларға мектептегі сабақтар мен дін жағынан сауаттылықты арттыруға үлес қосады. Сайт телеканала Twitter Вконтакте