Святая Твоя м сообразная икона. Всенощная в Нед. 4-ю по Пятидес., на Казанскую

“Святая Твоя и сообразная икона, Богородице Дево“. Всенощное бдение в Неделю 4-ю по Пятидесятнице, канун праздника Казанской иконы Божией Матери, 20 июля 2024 года. Святая Твоя и сообразная икона, Богородице Дево,/ благодатию Твоею пребогатый сущий источник,/ кипящий всей подсолнечней и светящий всему миру/ светолучными Святаго Духа сияньми и исцелений светлостьми./ Ты бо Бога Слова плотию несказанно родила еси,/ от Архангела Гавриила сицевая слышавши:/ радуйся, Обрадованная, Господь с Тобою,/ и Дух Святый осенит Тя к зачатию./ Такожде рекла еси к первописанной Твоей иконе, на ту зрящи:/ с тою Моя благодать./ И слово Твое со властию иконе бысть./ И образ, и глас, и сила, и дело,/ и всяк ум превосходящая Божественная благодать, спребывающи вечно,/ знамения и чудеса непрестанно содевает,/ и душеполезное исцеление всем верно приходящим подает// Твоими Богоматерними непрестанными к Богу молитвами. Стихра на хвалитех, глас 8