Инәкәйем. “Аҡйондоҙ“ төркөмө

ИНӘКӘЙЕМ. “АҠЙОНДОҘ“ ТӨРКӨМӨ. 1992 ЙЫЛ. РӘМИ ҒАРИПОВ ҺҮҘҘӘРЕ, АЗАТ ЙЫҺАНШИН КӨЙӨ Инәкәйем, мин алдараҡ китһәм, Ҡайғырма минең киткәнгә. Ҡайғырһаң, тик ҡайғыр минең бары Аҡ ҡайынды әсәм иткәнгә. Баш осомда минең ултырһындар Ҡайғыһы аҡ булған аҡ ҡайын. Күҙ йәшеңде ҡоймай, минең менән бер көн килеп һөйләш, яҙ һайын. Мин әйтермен, сабый япраҡ булып, Бер генә һүҙ: “Инәй! Күҙ нурым!“ Аҡ ҡайынды һыйпап тыңла бер йыр, Аҡ ҡайында -- минең үҙ йырым.