Әр қазақстандық 9 мың доллар қарыз ба? Және зейнетақыға жаңа салық туралы

Біздің кезекті шығарылымымыздың тақырыбына “Ақ жол” партиясының басшысы Азат Перуашевтің сөзі негіз болады деп кім ойлаған. Бірнеше күн бұрын “жылауық” депутат елімізде кішкентай нәрестеден бастап ақсақалға дейін шетелдік “ағайға” 9 мың доллардай қарыз деп айтқан еді. Перуашев оны қалай есептеді? Қазақстанның жалпы сыртқы қарыз сомасын алды да, қазақстандықтар санына бөле салды. Бұл шарықтап тұрған долларды теңгеге аударғанда - адам басына 3 миллион 825 мың теңге. Шынымен қорқынышты, иә? Одан бөлек зейнетақы қоры туралы айтатын боламын. “Жеткілікті шекке” жеткен және келер жылдан бастап зейнетақы жинағының бір бөлігін шешіп ала алатын санаулы ғана адам үкіметке сол қаржының 10%-ын табыс салығы ретінде төлеуі қажет екені анықталды. Бүгінгі шығарылымда осы тақырыптар жайында сөз қозғайтын боламыз.