Отырар қалашығы қайта жаңғыртылады

Отырар қалашығы алдағы жылдары қалпына келтіріліп, тарихи келбетіне ие болады. Көне шаһарда бас қосқан сәулетші-ғалымдар мен археолог-тарихшылар заманында Отырардың агломерациясы жақсы дамығанын айтты. Мәселен, қалашықтың айналасында бірнеше төбешік бар. Олардың бәрі толық зерттеуді қажет етеді. Мысалы, «Алтынтөбе» деген жерде тиын ақшалар мен әшекей бұйымдар соғылған. Ал «Жамантөбеде» малды соятын, «Шақты төбеде» пышақ қайрайтын орындар болған. Қазір көне қалашықтың орнында зерттеу жұмыстары жүріп жатыр.