Жапаров менен FIFA жетекчиси Кыргыз футбол союзунун кесесин ачышты

Президент Садыр Жапаров менен FIFA жетекчиси Джанни Инфантино Кыргыз футбол союзунун жаңы административдик кеңсесин ачылышына катышышты. “Салам Кыргызстан! Биз бул жерге кыргыз өлкөсү дүйнө жүзүнө жаркырап турганы үчүн келдик. Футбол бүткүл дүйнө жүзүн бириктирет. Биз бириккенде гана утабыз. Мен жаңы заманбап стадиондун ачылышына да келгим келет жана кызматташтыкка дайым даярмын“, - деди ал. Ал эми Садыр Жапаров бул кеңсе Кыргыз футбол союзунун натыйжалуулугун шарттап, келечекте албан ийгиликтерге себепчи болоруна ишенерин айтты. “Эми футбол боюнча улуттук командабыздын Азия кубогундагы беттештерде жагымдуу жаңылык күтөбүз“, - деди президент.