Полиция күнэ. ИДьМ Амматааҕы салаата🚔👏🚨

Сэтинньи 10 күнэ - Арассыыйаҕа Полиция күнэ. Бу күн 1962 сылтан бэлиэтэнэр. Оччолорго ССРС Сэбиэскэй милииссийэтин күнэ диэн ааттанара. Онтон ИДьМ органнарыгар үлэлиир сотрудниктар, 2011 сылтан Полиция күнүгэр уларыйбыта. Амма улууһугар милииссийэ отдела 1920 сыллаахха тэриллибит. Бүгүҥҥү биэриигэ ИДьМ Амма оройуонунааҕы салаатын начальнигын солбуйааччы, полиция майора Николай Турантаев, отставкаҕа олорор милииссийэ майора Анатолий Трифонов уонна полиция уполномоченнай участковайдарын уонна сокуоннай саастарын ситэ илик оҕолор дьыалаларыгар отдел начальнига, полиция майора Валерий Дьяконов интервьюлара киирдэ. Амма отделын историята, полиция уустук үлэтэ, бэриниилээх үлэһиттэри сырдаттыбыт. Композитор, ырыаһыт Олег Газманов “Офицеры“ ырыатын полиция майора Валерий Дьяконов кыра кыыһа Айыыналыын үрдүк иэйиилээхтик толорбуттарын Дьяконовтар дьиэтээҕи архивтарыттан туһанныбыт. Вера ИВАНОВА 🎥Парасковья Елисеева видеоҕа устуута #день #полиция #yakutia #амга #амма #нвксаха #сахасирэ #якутия #ветераны