Гөлфиә Шәүәлиева, Дәүләкән районы Иҫке Яппар ауылы

Әсәйемә Бәхет тулы йортҡа ҡайтып керәм, Әсәй ҡаршы ала йүгереп, Йөҙҙәрендә уның нурҙар уйнай, Баласаҡҡа ҡайтам әйләнеп. Әсәй, әсәй, әсәй, әсәкәйем, Балам, тиеп, беҙҙе наҙлайһың, Йылдар үтһә лә һин күңелеңдә Беҙҙең баласаҡты һаҡлайһың. Бәхет сатҡылары күҙҙәреңдә, Изге теләк һәр бер һүҙеңдә. Күңелдәрҙән сыҡҡан беҙҙең рәхмәт Игелектәр булһын үҙеңә. Әсәй, әсәй, оҙаҡ ишетмәһәм Балам, тигән наҙлы һүҙеңде, Ауыр тормош йөгөн иңләгәндә Юғалғандай тоям үҙемде. Һинең янда беҙ һаман да сабый, Оҙон булһын, әсәй, ғүмерең. Тормоштарҙың алтын тотҡаһы һин, Хәсрәттәрҙән Раббым һаҡлаһын.