Ֆաստֆուդային մտածողությունը մշակույթում բերում է անպատասխանատվություն. Արթուր Կարապետյան

ՀՀ վաստակավոր արտիստ, դերասան Արթուր Կարապետյանը Sputnik Արմենիայի հետ զրույցում խոսելով ներկա իրավիճակի մասին` նկատել է, որ ապրում ենք առանց ինքներս մեզ հաշիվ տալու, առանց սեփական մեղքի բաժինը գիտակցելու, փոխարենն ամեն ինչում դիմացինին մեղադրելու սովորույթով։ «Երբ հոգևորը դուրս է գալիս մարդու միջից, մարդը մահանում է», - ասում է դերասանն ու հիշեցնում, որ մեր բոլոր ժամանակների հաղթանակների և պարտությունների պատճառը եղել է միասնականությունը կամ դրա բացակայությունը։ Կարապետյանը համոզված է, որ հաղթելը մի խնդիր է, իսկ հաղթանակ պահելը՝ մեկ այլ, ավելի բարդ, որի գլխավոր նախապայմաններից է ինքնաճանաչումը։