Марыя Шэбанец — Грабеньчык (з кнігі “Пасланцы Цмока“)

Пагуляем? Гэта амаль народная песня для пэўных істот беларускага бестыярыя, якія сустракаюцца ў кнізе. Можаце паставіць на паўзу адразу пасля песні (на 1:54) і паспрабаваць самастойна здагадацца, хто гэта. А далей я патлумачу. Пішыце, ці атрымалася! Упершыню давялося не толькі паразмаўляць пра кніжку “Пасланцы Цмока“, але і паказаць першы яе разварот, хаця б у фармаце маленькай візіткі. Маленькае свята для аўтара. Відэа: Alena Paŭłoŭskaja Выступ на імпрэзе музея Якуба Коласа ў Мінску : “Павыцінаем?“. Пра імпрэзу на сайце музея ёсць больш падрабязны артыкул: На аднадзённай выставе можна было паглядзець выцінанкі ад двух мастакоў: ліштвы Стасі Кузьміч і дрэвы Віталя Назарэвіча. І якраз выцінанкі Віталя будуць адным з лепшых момантаў візуалу кнігі! Але і пра ліштвы тэкст згадвае не раз. Грабеньчык На могілках рыбаў я свой здабыла грабеньчык - Тонкі, празрысты, драпежны і крохка-чароўны. У валасах, як жывы, яго срэбны праме