Миңзәлә Хәлилова Дәүләкән районы Ҡоръятмаҫ ауылы

Ҡояшҡа табынам Көнбағыштай ҡояшҡа табынам, Ниҙер сырамытам тыуыр көндә. Бәхет остоғона өмөт итеп, Күкшелләнеп атыр таңды көтәм. Офоҡ алһыулана. Ауыл өҫтөн Наҙлап, һыйпап ҡояш күтәрелә. Шәлкем-шәлкем генә йылы нуры Биттәремдән үбә иркә генә. Көнбағыштай көнгә табынамын, Ҡулым һонам ҡояш нурҙарына. Әсәй мине таң ҡыйылған мәлдә Тыуҙырған да алған ҡулдарына. Төн пәрҙәһен йыртып тыуып килгән Ҡояш нурҙарына табынам. Әсәм йөҙөн сырамытам унда, Әсәйемде шулай һағынам. Көнбағыштай ҡояшҡа табынам...