Օրագիրը, որում 13-ամյա Աննա Ֆրանկը նկարագրում է` ինչպես է ընտանիքի հետ 2 տարի թաքնվել նացիստներից օկուպացված Ամստերդամում

Օրագիրը, որում 13-ամյա Աննա Ֆրանկը նկարագրում է` ինչպես է ընտանիքի հետ 2 տարի թաքնվել նացիստներից օկուպացված Ամստերդամում, աղջկան համաշխարհային ճանաչում է բերել։ Օրագիրը հրապարակվել է 1947 թվականին, թարգմանվել է 67 լեզուներով, ընդգրկվել է ՅՈւՆԵՍԿՕ–ի «Աշխարհի հիշողություն» ցանկում և համարվում է Համաշխարհային երկրորդ պատերազմի ժամանակների ամենահայտնի փաստաթղթերից մեկը։ Հրատարակվելուց առաջ Օտտո Ֆրանկը օրագրից հանեց մոր մասին բոլոր վիրավորական արտահայտությունները և ինտիմ բնույթի տողերը։ Գերմաներեն օրագրի թարգմանչուհին տեքստից հեռացրեց գերմանացիների մասին բոլոր տճահ արտահայտությունները։ Բոլոր հաջորդ տարիներին Աննա Ֆրանկի պատմությունը կրճատում էին, ամերիկանացնում, մեղմացնում, կեղծում, իսկ Հոլոքոստը մերժողները օրագիրը հետպատերազմյան կեղծիք հայտարարեցին։ 1998 թվականին Ամստերդամի դատարանն արգելեց Աննա Ֆրանկի օրագրի իսկությունը հերքել և դրա համար տուգանք սահմանեց։